الزمن بينسى دايمًا مع الزمن مفيش وعوداللي كان عايش في قلبي النهاردة ملوش وجود
الزمن ملهش صاحب ملهش قلب ولا مشاعر
خطوته مشوار في قلبي عشت فيه دايما مهاجر
مع الزمن الجرح بيتنسي والذكريات الحلوة تدبل
مع الزمن بنبتدي دايما حكاية فى يومها تخلص
ننسى الملامح والوجوه والعناوين
يمكن نتوب عن ذكريات عاشت معانا
ضاعت في يوم من الزمن
الزمن دموع بتجري او ضحكة ما لها أي معنى
او لعبة ملناش يد فيها مهما اتشائمنا وتفائلنا
كنت اجبن منه دايما عمري ما فكرت اواجه
كنت خايف منه يمكن لو كان بشر كنت فهمته
عشرين سنة من يوم ما اتولدت احلم معاه
يوعدني اصدق عشرين سنة مروا وكأنهم سراب
وكان بيكدب كتب حكايته على الوجوه
والم في كل ضحكة وساب علاماته الحزينة
على طريقي اللي من زمان
